XX. mendeko Euskararen Corpus estatistikoa

Testuingurua

HEZKUNTZA, UNIBERTSITATE ETA IKERKETA SAILA

1875

ERABAKIA, 1992ko ekainaren 29koa, Hezkuntza Administraziorako Sailordetzarena, Araba, Gipuzkoa eta Bizkaiko Eskolaurreko eta O.H.O.ko Ikastetxeetarako altzari hornikuntza, entrega eta instalaziorako kontratuak esleitzen dituena.

Hezkuntza, Unibertsitate eta Ikerketa Saileko Horniketak kontratatzeko osotutako Mahaiak, 1992ko ekainaren 1ean, Araba, Gipuzkoa eta Bizkaiko Eskolaurreko eta O.H.O.ko Ikastetxeetako altzari hornikuntza, entrega eta instalaziorako, Baliabideen Zuzendaritzaren 002/92 espedientearen behin-behineko esleipena egiteko emandako Txostena ikusita.

Eta Estatuaren Kontratuetarako indarrean dagoen Legeak ohartemandako izapideak eta Lehiaketaren Oinarri-arauen Pleguan ezarritako baldintzak bete ondoren eta Kontratazio Mahaiak, helburu horrekin bilduta, aurkeztutako txostenari jaramon eginez, honako hau.

ERABAKI DUT:

1. - Erabaki honekin batera doan eranskinean aipatzen diren Enpresei esleitu zaizkie bertan esaten diren loteak.

Eta esleipenaren diru kopurua osoa 183.993.335 PTAkoa da.

Esleipendun izendatu diren enpresek lizitaziorako gehienezko aurrekontuaren % 4ekoa den fidantza jarri eta kontratuari forma eman beharko diote, Administrazio Oinarri-arau Partikularren Pleguan ezarritako epe barruan.

Administrazio Klausula Partikularren Pleguan zehaztuta dator kontratuaren iraupena.

Erabaki honek administrazio bidea amaitzen du eta, zilegizko interesatuek, egoki dela eristen badiote, berraztertze errekurtsoa tartejarri ahal izango diote Eusko Jaurlaritzaren Hezkuntza, Unibertsitate eta Ikerketa Saileko Hezkuntza Administraziorako Sailburuordeari, jakinerazpena jaso ondoreneko hilabeteko epean, bidezko jo dezaten beste edozein errekurtso tartejartzeko kaltetan izan gabe.

Vitoria-Gasteiz, 1992ko ekainak 29.

Hezkuntza Administraziorako Sailburuordea,

RICARDO FERNANDEZ MARAÑON.